Կատարակտի հեռացման և տեսողության վերականգնման հաջողված վիրահատության ամենակարևոր գործոններից մեկը ներակնային ոսպնյակի (արհեստական ոսպնյակի) ճիշտ և անհատական ընտրությունն է:

Ժամանակակից ակնաբուժության մեջ առկա է ՆԱՈ-ների հսկայական ընտրություն, և դրանցից յուրաքանչյուրն ունի իր առանձնահատկությունները, առավելություններն ու նրբությունները: Միայն փորձառու ակնավիրաբույժը կարող է կատարել ձեր աչքի համար կատարյալ արհեստական ոսպնյակի ընտրությունը:

Ոսպնյակի ընտրության ժամանակ հաշվի է առնվում ոչ միայն դրա արժեքը, այլև մի շարք կարևոր գործոններ.

• Օրգանիզմի և աչքի անատոմիական անհատական առանձնահատկությունները,

• Պացիենտի մասնագիտությունն ու ամենօրյա զբաղմունքը (օրինակ՝ հաճախակի մեքենա վարել, աշխատանք համակարգչով, ընթերցանություն),

• Վիրահատության բժշկական ցուցումները,

• Տեսողության որակի վերաբերյալ պացիենտի անձնական սպասելիքներն ու ցանկությունները։

Որպես կանոն, մանրակրկիտ ախտորոշումից հետո բժիշկը պացիենտին առաջարկում է ՆԱՈ-ի մի քանի համապատասխան տարբերակ: