Բուժում Ավաստին (Avastin) Դեղամիջոցով

Ծառայություններ

Գրանցվել հիմա

Բուժում «Ավաստին» (Avastin) դեղամիջոցով մեր կլինիկայում

«Ավաստին»-ը (ակտիվ նյութը՝ բևացիզումաբ) ակնաբուժական պրակտիկայում ամենահաճախ կիրառվող և ժամանակի ընթացքում իր արդյունավետությունն ապացուցած Anti-VEGF դեղամիջոցներից է: Այն նախատեսված է աչքի ցանցաթաղանթի անոթային տարբեր ախտահարումների բուժման, այտուցների նվազեցման և տեսողության կորստի կանխարգելման համար:

Ի՞նչ է Ավաստինը և ինչպե՞ս է այն ազդում

«Ավաստին»-ը հանդիսանում է անոթային էնդոթելային աճի գործոնի (VEGF) հզոր արգելակիչ (բլոկատոր): Աչքի ցանցաթաղանթի մի շարք հիվանդությունների ժամանակ օրգանիզմն արտադրում է մեծ քանակությամբ VEGF սպիտակուց, ինչը հանգեցնում է խոցելի, ախտաբանական նոր անոթների աճին: Այս անոթներից հեղուկն ու արյունը ներծծվում են ցանցաթաղանթի մեջ՝ առաջացնելով այտուց և տեսողության վատացում: «Ավաստին»-ի ներակնային ներարկումը.

Ճնշում է ախտաբանական նոր անոթների առաջացումն ու բազմացումը,
Նվազեցնում է անոթների պատերի թափանցելիությունը,
Արդյունավետորեն վերացնում է մակուլյար գոտու այտուցը,
Կանխում է տեսողության հետագա անկումը և շատ դեպքերում բարելավում այն

Նարեկ Միքայելյան

Ակնաբույժ - ակնավիրաբույժ

Դիմելով ինձ՝ Դուք վստահում եք Ձեր առողջությունը մի մասնագետի, ում համար ամենամեծ վարձատրությունը Ձեր առողջ ու պարզ հայացքն է:

Գրանցվել հիմա

Դեղամիջոցի գլխավոր առավելությունները

Տևական թերապևտիկ ազդեցություն. Իմպլանտը աչքի խոռոչում գործում է մի քանի ամիս (մինչև 6 ամիս)՝ ապահովելով անընդհատ բուժական ազդեցություն:
Ներարկումների նվազագույն հաճախականություն. Քանի որ մեկ իմպլանտը գործում է երկար ժամանակ, պացիենտը կարիք չի ունենում ամեն ամիս կրկնել ներարկման ընթացակարգը:
Անվտանգություն. Իմպլանտը պատրաստված է պոլիմերից, որն ամբողջությամբ և անվտանգ ներծծվում է աչքի մեջ՝ առանց հավելյալ վիրահատական միջամտությամբ հեռացվելու անհրաժեշտության:

Ինչպե՞ս է իրականացվում միջամտությունը

«Ավաստին» դեղամիջոցով բուժումն իրականացվում է կլինիկական հատուկ պայմաններում և տևում է ընդամենը 15-20 րոպե:

Տեղային անզգայացում. Կիրառվում են հատուկ աչքի կաթիլներ, ինչի շնորհիվ միջամտությունը դառնում է լիովին անցավ:
Ներարկում. Ակնաբույժ-վիրաբույժը գերբարակ ասեղով դեղամիջոցը ներմուծում է աչքի ապակենման մարմնի խոռոչ:
Ավարտական փուլ. Միջամտությունից հետո կատարվում է ներակնային ճնշման մոնիթորինգ, որից հետո պացիենտը կարող է անմիջապես վերադառնալ տուն:

Բուժման կուրսը (ներարկումների հաճախականությունը) որոշվում է բժշկի կողմից՝ անհատական կարգով, հիմնվելով աչքի օպտիկական կոհերենտային տոմոգրաֆիայի (ՕԿՏ / OCT) տվյալների վրա:

Ներակնային ներարկումների համար կիրառվող դեղամիջոցները մեր կլինիկայում

Էյլեա (Eylea)

Ակնաբուժության մեջ լայնորեն կիրառվող ամենաարդյունավետ դեղամիջոցներից է, որը նախատեսված է տարիքային մակուլոդիստրոֆիայի խոնավ ձևի բուժման համար: Դեղամիջոցի հիմնական հատկությունը ցանցաթաղանթում ախտաբանական նոր անոթների աճի կանգնեցումն ու պացիենտի տեսողական ֆունկցիաների պահպանումն է: Որոշ դեպքերում հաջողվում է հասնել նաև տեսողության որակի զգալի բարելավման:

Ավելին

Վիզկյու (Beovu / Vyskju)

Ժամանակակից դեղամիջոց է, որը կիրառվում է տարիքային մակուլյար դեգեներացիայի նեովասկուլյար (խոնավ) ձևի բուժման համար: Դեղամիջոցն օժտված է բարձր ակտիվությամբ. այն ճնշում է ախտաբանական անոթների աճը և նվազեցնում ցանցաթաղանթի այտուցը՝ նպաստելով պացիենտի տեսողության կայունացմանը։

Ավելին

Օզուրդեքս (Ozurdex)

Դեղամիջոցը նախատեսված է ցանցաթաղանթի կենտրոնական երակի կամ դրա թրոմբոզի (օկլյուզիայի) հետևանքով առաջացած մակուլյար այտուցի վերացման համար: Այս դեղամիջոցի առավելություններից են՝ ներարկման անցավ լինելը, տևական թերապևտիկ ազդեցությունը և ապակենման մարմնի խոռոչում իմպլանտի երկարատև (պրոլոնգացված) գտնվելն ու ազդելը:

Ավելին

Ավաստին (Avastin / Bevacizumab)

Ակնաբուժական պրակտիկայում լայնորեն կիրառվող արդյունավետ Anti-VEGF դեղամիջոցներից է, որն օգտագործվում է ցանցաթաղանթի անոթային տարբեր ախտահարումների՝ դիաբետիկ ռետինոպաթիայի, մակուլյար այտուցի և տարիքային մակուլոդիստրոֆիայի խոնավ ձևի բուժման համար: Այն արդյունավետորեն ճնշում է անոթների բազմացումը խթանող գործոնները, նվազեցնում հեղուկի արտահոսքն ու այտուցը՝ կանխելով տեսողության հետագա կորուստը:

Ավելին

Բուժման սխեման (կուրսը)

«Ավաստին» (Avastin) ներարկման ցուցումները

Ինտրավիտրեալ (ներակնային) ներարկումը նշանակվում է ակնաբույժի կողմից հետևյալ ախտահարումների դեպքում.

Տարիքային մակուլոդիստրոֆիայի էկսուդատիվ (խոնավ) ձև,
Դիաբետիկ ռետինոպաթիա և դրա հետևանքով առաջացած մակուլյար այտուց,
Ցանցաթաղանթի կենտրոնական երակի կամ դրա ճյուղերի օկլյուզիա (թրոմբոզ),
Միոպիկ մակուլոդիստրոֆիա (բարձր աստիճանի կարճատեսությամբ պայմանավորված ցանցաթաղանթի փոփոխություններ):

Հակացուցումներ

Աչքի վարակիչ-բորբոքային հիվանդությունների սրացման փուլ,
Հղիություն և կրծքով կերակրման (լակտացիայի) շրջան,
Մինչև 18 տարեկան հասակ,
Դեղամիջոցի բաղադրիչների նկատմամբ անհատական գերզգայունություն (ալերգիա),
Արյան մակարդելիության խանգարումներ:

👁️ Նշում Պացիենտին ներակնային ներարկումներ նշանակելու հնարավորության վերաբերյալ որոշումը կայացվում է բուժող ակնաբույժի կողմից՝ տեսողության համալիր ախտորոշում անցկացնելուց հետո:

Միջամտության իրականացման տեխնիկան

Պացիենտը պառկում է բժշկական մահճակալին: Անզգայացնող աչքի կաթիլները լիովին բավարար են միջամտության ընթացքում անհարմարավետության զգացումը վերացնելու համար: Ակնաբույժ-վիրաբույժը հատուկ կոպալայնիչով ֆիքսում է կոպերը, ինչը թույլ է տալիս բացառել թարթումը դեղամիջոցի ներմուծման ժամանակ: Այնուհետև, գերբարակ ասեղի օգնությամբ, դեղամիջոցը ներարկվում է ապակենման մարմնի խոռոչ: Ներարկման պահին պացիենտը կարող է զգալ թեթև ճնշում կամ ծանրության զգացողություն, որոնք անհետանում են մի քանի րոպե անց:

Միջամտությունը տևում է միջինում 15-20 րոպե: Դեղանյութի ներմուծումից հետո ասեղը հեռացվում է աչքի խոռոչից, և հանվում է կոպալայնիչը: Հակաբիոտիկներով կանխարգելիչ բուժումը նշանակվում է ակնաբույժի հայեցողությամբ:

Ներակնային ճնշման առաջնային մոնիթորինգն (ստուգումը) իրականացվում է դեղամիջոցի ներարկումից անմիջապես հետո, այնուհետև՝ 7-10 րոպե անց: Եթե ճնշման բնականոն նվազում չի նկատվում, կիրառվում են հիպոտենզիվ (ճնշումն իջեցնող) միջոցներ: Հերթական զննումից և ընդհանուր վիճակի կայունացումից հետո պացիենտը կարող է վերադառնալ տուն:

Վերականգնման շրջան (Ռեաբիլիտացիա)

Ընդունել և կաթեցնել միայն ակնաբույժի կողմից նշանակված դեղամիջոցները,
Քնել միայն բարձր բարձի վրա՝ խուսափելով վիրահատված աչքի կողմի վրա հենվելուց կամ հպվելուց,
Միջամտությունից հետո առաջին շաբաթվա ընթացքում չայցելել բաղնիքներ, սաունաներ և շոգեբաղնիքներ,
Միջամտությունից հետո առաջին շաբաթվա ընթացքում սահմանափակել ֆիզիկական ծանրաբեռնվածությունը և ալկոհոլի օգտագործումը:

Նարեկ Միքայելյան

Ակնաբույժ - ակնավիրաբույժ

Գրանցվել հիմա

Լաբորատոր և ախտորոշիչ հետազոտություններ վիրահատությունից (միջամտությունից) առաջ

Նախքան վիրահատությունը, բժիշկը պացիենտին ուղեգրում է լիարժեք լաբորատոր հետազոտությունների՝ օրգանիզմի ընդհանուր վիճակը գնահատելու համար: Եթե պացիենտն չունի որևէ հակացուցում, նշանակվում է վիրահատության օրը: Հետազոտությունների արդյունքներում նորմայից շեղումներ հայտնաբերվելու դեպքում, կլինիկան իրավունք է վերապահում մերժել կամ տեղափոխել վիրահատության օրը:

Բոլոր անալիզների արդյունքները պետք է վավեր լինեն վիրահատության օրվա դրությամբ. հետազոտությունների ժամկետները խստորեն սահմանափակված են։

Արյան ընդհանուր քննություն (ԱԸՔ) — վավեր է 14 օր,
Արյան մակարդելիության ժամանակ (կոագուլոգրամա) — վավեր է 14 օր,
Արյան գլյուկոզա (շաքար) — վավեր է 14 օր,
Սիֆիլիս (RW) — վավեր է 1 ամիս,
Հեպատիտներ B և C — վավեր է 3 ամիս,
ՄԻԱՎ (ВИЧ) — վավեր է 3 ամիս,

Ամբուլատոր ակնաբուժական միջամտությունների առավելությունները մեր կլինիկայում

Մանրակրկիտ ակնաբուժական հետազոտություն

Պարտադիր նախապայման է ցանկացած վիրահատական միջամտությունից առաջ, որը թույլ է տալիս հաստատել ճշգրիտ ախտորոշումը և ընտրել վիրաբուժական ամենաարդյունավետ մարտավարությունը։

Որակավորված մասնագետներ

Վիրահատություններն իրականացվում են բարձրակարգ ակնավիրաբույժի կողմից, ով պարբերաբար կատարելագործում է իր հմտությունները։ Նրա բազմամյա փորձը հաստատված է հազարավոր հաջողված վիրահատություններով և գոհունակ բուժառուներով։

Գերճշգրիտ սարքավորումներ

Ամբուլատոր վիրահատություններն իրականացվում են աշխարհի առաջատար արտադրողների ժամանակակից, թվային սարքավորումների կիրառմամբ։

Հանգիստ և հարմարավետ միջավայր

Բուժման բոլոր փուլերում կիրառվում են ցավազրկման և անզգայացման ժամանակակից մեթոդներ, ինչի շնորհիվ միջամտությունները գրեթե անցավ են անցնում։

Բուժառուների անվտանգություն

Միկրովիրաբուժական տեխնոլոգիաների կիրառումը հնարավորություն է տալիս միջամտությունները կատարել հյուսվածքների համար առավելագույնս անվնաս (ատրավմատիկ)։ Բոլոր վիրահատություններն անցկացվում են միջազգային բարձր չափանիշներին համապատասխան։

Վիրահատություն առանց հոսպիտալացման

Վիրահատություններն իրականացվում են «մեկ օրվա մեջ» ռեժիմով։ Առանց կարերի (անթել) վիրաբուժության մեթոդների շնորհիվ միջամտությունը տևում է ընդամենը 15-20 րոպե։

Ծառայություններ