Մեթոդի առավելությունները

Femto LASIK-ը տեսողության լազերային շտկման առավել խնայող մեթոդ է, որն ամբողջությամբ իրականացվում է լազերային սարքավորումների միջոցով: Իրականացման տեխնոլոգիայով այն նման է LASIK մեթոդին, սակայն ունի մի շարք էական առավելություններ.

• Լազերային շտկման «Ոսկե ստանդարտ». արագ, ճշգրիտ և անվտանգ:

• Կարճ տևողություն. վիրահատության միջին տևողությունը կազմում է ընդամենը 15 րոպե:

• Լուծում բարդ դեպքերի համար. կիրառվում է այնտեղ, որտեղ LASIK / Super LASIK մեթոդներն անզոր են (բարակ, տափակ կամ սուր եղջերաթաղանթ, աստիգմատիզմի կամ հեռատեսության բարձր աստիճաններ):

• Առավելագույն անվտանգություն. վիրահատության ընթացքում և հետվիրահատական շրջանում բարդությունների ռիսկը հասցված է նվազագույնի, քանի որ գործընթացը բոլոր փուլերում վերահսկվում է լազերի միջոցով:

• Նվազագույն միջամտություն. եղջերաթաղանթի հյուսվածքների վնասումը նվազագույն է՝ շնորհիվ ֆեմտոլազերով կատարվող առավել նուրբ և բարակ շերտի ձևավորման:

• Առանց վիրաբուժական սայրի. ոչ մի մեխանիկական կամ կտրող գործիք: Օգտագործվում է երկու տեսակի լազեր՝ ֆեմտովայրկյանային և էքսիմերային:

• Արագ վերականգնում. ապաքինման նվազագույն ժամկետներ և կայուն արդյունք:

• Անհատականացված ճշգրտություն. ֆեմտովայրկյանային լազերը թույլ է տալիս նախապես սահմանել ձևավորվող լաթի (flap) ամենանուրբ պարամետրերը (հաստություն, ձև, դիրք, չափս, կտրվածքի անկյուն, խորություն և այլն)՝ համապատասխանեցնելով դրանք պացիենտի աչքի անատոմիական առանձնահատկություններին: Սա գործնականում անհնար է LASIK / Super LASIK մեթոդների դեպքում: